Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Emisari i posaçëm i Bashkimit Evropian për dialogun Kosovë-Serbi, Mirosllav Lajçak, me dy këshilltarë të sapoemëruar të Gjermanisë dhe Francës për dialogun, sot do të qëndrojnë për një vizitë në Prishtinë dhe në Beograd. Qëllim i vizitës është të gjenden mënyra dhe opsionet për përparimin e dialogut mes Kosovës dhe Serbisë, ka thënë zëdhënësi i BE-së, Peter Stano.
Gjatë vizitës janë planifikuar takime të ndara me kryeministrin e Kosovës, Albin Kurti dhe me kryetarin e Serbisë, Aleksandar Vuçiq. Kancelari gjerman, Olaf Scholz, dhe presidenti francez, Emmanuel Macron, kishin njoftuar se kanë angazhuar këshilltarët e tyre për të mbështetur dialogun për normalizimin e marrëdhënieve midis Kosovës dhe Serbisë. Në një letër dërguar Kurtit dhe Vuçiqit, dy udhëheqësit kryesorë të BE-së u bënë thirrje atyre që të tregojnë vendosmëri dhe gatishmëri maksimale për të marrë vendime të vështira, të cilat do të sjellin përparim në dialog.
