Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komuna e Malishevës, është duke vazhduar me realizimin e investimeve kapitale. Në kuadër të këtyre investimeve, është edhe asfaltimi i një rruge në lagjen Toplana në fshatin Kijevë. Për këtë qëllim, sot këtë lagje e kanë vizituar nënkryetari i Komunës së Malishevës, Vesel Krasniqi dhe drejtori komunal për urbanizëm, Avdi Morina, të cilët janë takuar edhe me banorët e kësaj lagje. “Ashtu siç kemi deklaruar edhe më herët, si qeveri komunale, të udhëhequr nga kryetari Ekrem Kastrati, jemi të përkushtuar në realizimin e projekteve kapitale, e në veçanti në rregullimin e infrastrukturës së përgjithshme në Komunën e Malishevës”, tha nënkryetari Krasniqi, gjatë vizitës në Kijevë. Po ashtu, nënkryetari Krasniqi, i ka uruar banorët dhe ka thënë se “janë të përkushtuar në realizimin e të gjitha projekteve nga lista e investimeve kapitale”. Drejtori i Drejtorisë së Urbanizmit, Avdi Morina, ka bërë të ditur, se edhe kjo rrugë, sikur të gjitha rrugët tjera që janë duke u asfaltuar, është mundësuar nga buxheti i Komunës së Malishevës, ndërsa kjo rrugë e cila sot është asfaltuar, ka një gjatësi prej rreth 200 metra.
