Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i grupit parlamentar të Partisë Socialiste, në Shqipëri, Taulant Balla kërkoi nga SPAK-u të nisë hetimet për ish kryeministrin, Sali Berisha, pas vendimit të Amerikës dhe e Britanisë për ta shpallur non grata. Balla tha se nuk e konsideron kërkesën e tij si presion ndaj drejtësisë, për sa kohë vendimi vjen nga aleati strategjik i Shqipërisë. “Unë besoj se SPAK duhet të japë një përgjigje për çështjen dhe të fillojë hetimet duke filluar edhe me kërkesën zyrtare që duhet t’u dërgojë SHBA-së. Është e pa paranueshme që Sali Berisha i shpallur person non grata, si i përfshirë në korrupsion të nivelit të lartë dhe kjo nuk shoqërohet me hetime të thella. Unë kam kallëzuar për të dyja çështjet edhe për kompleksin ‘Partizani’, për të cilin prokurori më ka marrë deklarimin dhe kam besim që çështja do të ecë në drejtimin e duhur. Balla sqaroi se kur një person shpallet ‘non grata’, ky njeri në Shqipëri duhet hetuar dhe s’mund të lihet në dëshirën e prokurorit, aq më tepër kur vendimin për shpalljen non grata vjen nga aleatët më të rëndësishëm të Shqipërisë, Shtetet e Bashkuara të Amerikës dhe Britania e Madhe.
