Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Rahovecit Smajl Latifi, bashkë me nënkryetarin, Fatmir Iska, drejtoreshën për Shëndetësi dhe Përkujdesje Sociale, znj. Saranda Sallteku dhe drejtorin e QKMF “Dr. Fahredin Hoti”, dr. Elbunit Kryeziu, kanë takuar punonjësit shëndetësor, me të cilët është diskutuar për situatën pandemike, kapacitetet shëndetësore, shërbimet e ofruara dhe kushtet e punës në këtë institucion, investimet që po bëhen në objektin e vjetër të QKMF – së dhe planet tona për të ardhmen. Gjatë bisedave të përbashkëta, u pajtua që të rriten kapacitetet, të përmirësohen edhe më shumë shërbimet shëndetësore, duke e respektuar në rend të parë orarin e punës si dhe duke e intensifikuar bashkëpunimin ndërinstitucional. Do të punojmë në vazhdimësi, pa u ndalur, që qytetarët e Rahovecit t’i marrin sa më me efikasitet shërbimet e duhura shëndetësore. Kryetari Latifi ju ka uruar suksese dhe punë të palodhshme të gjithë punëtorëve shëndetësor!
