Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori amerikan në Beograd, Christopher Hill, ka folur pas seancës së Kuvendit të Serbisë, ku kryetari Vuçiq ka folur për dialogun me Kosovën. Ai ka thënë se në Evropë ka shumë modele të ngjashme me Asociacionin duke potencuar se Serbia dhe Kosova mund të jenë të veçanta, por problemi i tyre nuk është i tillë. I pyetur nga gazetarët nëse Kosova është e gatshme të zbatojë marrëveshjen për Asociacionin, Hill tha se në fund natyrisht do të ketë një lloj marrëveshjeje dhe se të gjitha palët e përfshira e dinë se ajo duhet të arrihet në mënyrë të tillë që të gjitha palët të marrin nga diçka. Hill theksoi se në “kornizën” e re të dialogut ka shumë elementë të vjetër dhe se një nga çështjet kryesore është se cila do të jetë e ardhmja e serbëve në Kosovë. Qëndrimi amerikan, është se njohja e pavarësisë së Kosovës do të ishte e mirë për të gjithë, por që dialogu është më i rëndësishëm në këtë moment. Dialogu duhet të kalojë nëpër disa pika kritike, duke përfshirë çështjen e Asociacionit” Synimi i BE-së është të arrijë normalizimin e plotë të marrëdhënieve. Askush nuk mund të thotë se kjo është e lehtë, veçanërisht për Serbinë, saktësoi ambasadori amerikan në Serbi, Kristofer Hill.
