Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në vazhdën e realizimit të projekteve të reja kapitale, në fshatin Vajnik të komunës së Skenderajt, ka nisur ndërtimi i poligonit sportiv për shkollën e fshatit, ku nxënësit e saj dhe të rinjtë tjerë të kësaj ane, do të mund të zhvillojnë aktivitete sportive në kushte më të mira. Për të parë ecurinë e punimeve, kanë dalë për vizitë kryetari i Komunës së Skenderajt, Fadil Nura, nënkryetari Sami Lushtaku, drejtori për Urbanizëm dhe Mbrojtje të Ambientit Driton Mulaj, ku ishte e pranishme edhe anëtarja e Kuvendit Komunal Besjana Thaçi. Gjatë vizitës, udhëheqësit e Komunës kanë diskutuar me përfaqësuesit e kompanisë e cila po zhvillon punimet, duke kërkuar realizim dhe përfundim të projektit sipas kushteve dhe standardeve. Ndërtimi i poligonit sportiv në Vajnik pason atë të Lubovecit, ku dy këto projekte financohen nga buxheti i Komunës së Skenderajt, dhe janë pjesë e programit qeverisës të kryetarit Nura, për sportin dhe rininë.
