Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Kuvendin e Kosovës, deputeti i Aleancës për Ardhmërinë e Kosovës, Pal Lekaj, ka folur për grevën e të gjitha sindikatave në përgjithësi dhe të asaj në arsim në veçanti, duke theksuar se barrën kryesore për gjetjen e një zgjidhjeje për ndërprerjen e grevës e ka qeveria. Mendoj që nuk kemi kohë për të humbur, pasi janë duke pësuar nxënësit që janë e ardhmja e Kosovës, duke pësuar janë edhe mësimdhënësit nga nevoja e tyre mbi kërkesat e parashtruara, prindërit të cilët duhet të mos punojnë për t’u përkujdesur për fëmijët, duke pësuar janë të gjithë qytetarët të cilët kanë nevojë për të kryer punët dhe shërbimet e tyre nëpër institucionet komunale dhe shtetëror. Mbi këto fakte nuk është e mirë që kryeministri i ofendojë grevistët duke u vënë në pikëpyetje sinqeritetin dhe motivet e kërkesës. U bë mjaftë me kokëfortësi ku palët fajësojnë njëra-tjetrën dhe nuk ka zgjidhje, është koha që qeveria të bëjë zgjidhje. Prandaj, iu bëjë thirrje që të plotësoni kërkesat e sindikatave dhe shteti në kthehet në normalitet sa i përket funksionimit të administratës shtetërore dhe vazhdimit të mbajtjes së mësimit në shkollat dhe çerdhet e Kosovës, ka deklaruar deputeti, Pal Lekaj.
