Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në aksin e vijës malore, Berishë-Maja e Pallanikut ka përfunduar faza e parë e ndërtimit të rrugës, për te Bunkeri i Luftës i Radios-Kosova e Lirë. Pas afër 24 vjet të ekzistimit të Radios-Kosova e Lirë, pas shumë e shumë përpjekjeve, më në fund përfundoi faza e parë e ndërtimit të rrugës, për te Bunkeri i Luftës në Pallanik.
Puna në finalizimin e rrugës dhe të vazhdojë me hedhjen e shtresave të nevojshme të zhavorrit pasi terreni i përthyer malor kërkon edhe trajtim specifik në vende të caktuara. Për fazën përfundimtare të punimeve kërkohen edhe mjete të tjera financiare, të cilat nuk i përballon dot buxheti i dobët e Radios-Kosova e Lirë andaj Radio i ka drejtuar kërkesë komunës së Malishevës, dhe të Drenasit,
Pronari i firmës “Ardi”, Mentor Hoti, luftëtar i lirisë, anëtar i stafit të Radios gjatë luftës, ka marrë përsipër t’ i kryejë punimet në këtë territor shumë të përthyer malor.
Mbështetjen financiare për këtë fazë të realizimit të ndërtimit të rrugës e ka dhënë prof. dr. Xhavit Lipaj, një veprimtar i mirënjohur dhe kontribues i jashtëzakonshëm i mbrojtjes së vlerave të luftës së Ushtrisë Çlirimtare të Kosovës.
Të përkujtojmë me këtë rast, se drejtoria e Radios-Kosova e Lirë ka bërë përpjekje të pareshtura që institucionet e Shtetit ta marrin në mbrojtje Shtëpinë Muze, në fshatin Berishë dhe ta rregullojnë rrugën deti te Bunkeri i Radios, tashmë i rrënuar në Majën e Pallanikut, por nuk ka gjetur mirëkuptim as përkrahje.
