Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Vitisë, Sokol Haliti, ka pritur sot në takim ambasadorin e OSBE-së në Kosovë, Michael Davenport, me bashkëpunëtorë. Bashkëpunimi i deritanishëm mes komunës së Vitisë dhe OSBE-së, si dhe mundësia e bashkëpunimit në disa fusha të ndryshme ishin temë kryesore e këtij takimi. Kryetari Haliti, në emër të qytetarëve të Vitisë, ambasadorit Davenport, i ka shprehur mirënjohje të thellë për gatishmërinë e tij dhe të OSBE-së, për të qenë një krah i fuqishëm, në funksion të hartimit dhe jetësimit të politikave lokale, për një qeverisje sa më të mirë dhe efikase, të cilën e presin edhe qytetarët vitias. I pari i komunës së Vitisë e njoftoj ambasadorin edhe mbi zhvillimet e gjithëmbarshme në komunën e Vitisë. Mbi bashkëjetesën e mirë të gjithë komuniteteve dhe në veçanti për punën e qeverisë lokale në mirëqenien e qytetarëve. Po ashtu kryetari Haliti foli edhe për punën në të drejtën e barazisë gjinore, personave me aftësi të kufizuara, bashkëpunim me organizatat e huaja dhe vendore si dhe për bashkëpunimin nderkomunale qoftë në nivel vendi apo me komunat jashtë Kosovës. Kurse ambasadori i OSBE-së, Michael Davenport, falënderoj atë për siç tha pritjen e ngrohtë duke potencuar se ka një bashkëpunim të mirë mes OSBE-së me komunën e Vitisë duke shprehur gatishmërinë e vazhdimit të këtij bashkëpunimi. Ai tha se OSBE ka mbështetur edhe trajnimin e asamblistëve të rinj, duke shtuar se ata do të mbështesin edhe nismat e Vitisë në fushën e rinise dhe komuniteteve. Ambasadori Davenport e vlerësoj lartë përpjekjet e kryetarit për zhvillim ekonomik për të gjithë qytetarët pa dallime. Përndryshe në këtë takim është folur edhe për çështje të tjera si në fushën e sigurisë dhe të drejtat e njeriut por edhe të bashkëjetesës së mirë ndëretnike dhe ndërfetare në Viti.
