Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe pse Ligjet e Kosovës për Gjykatën Speciale dhe Zyrën e Prokurorit i obligojnë institucionet Republikës që të bashkëpunojnë me gjykatën dhe palët e tjera në procedurë, Qeveria e Kosovës nuk ka caktuar një përfaqësues për të përshpejtuar kërkesat e mbrojtjes së krerëve të UÇK-së. Duke i pasur parasysh të drejtat e të akuzuarit të përcaktuara në nenin 21, të gjitha subjektet dhe personat në Kosovë bashkëpunojnë me Dhomat e Specializuara dhe Zyrën e Prokurorit të Specializuar dhe pa vonesë e respektojnë çdo kërkesë për asistencë ose urdhrat apo vendimet e dhëna nga Dhomat e Specializuara apo Zyra e Prokurorit të Specializuar”, thuhet në pikën e parë të nenit 53. Ende nuk dihet nëse Qeveria e Kosovës do të caktojë një përfaqësues i cili do të shërbente si pikë kontakti për të përshpejtuar kërkesat e mbrojtjes së të akuzuarve në rastin “Thaçi dhe të tjerët”. Ministria e Drejtësisë nuk ka treguar nëse në adresë të saj është drejtuar një kërkesë e tillë nga Zyra Administrative, ndërsa në Dhomat e Specializuara të Kosovës thonë se ende nuk ka ndonjë dokument publik në gjykatë lidhur me këtë çështje. Në konferencën e fundit statutore, mbrojtja e Kadi Veselit ka kërkuar caktimin e një përfaqësuesi brenda Qeverisë së Kosovës i cili do të shërbente si pikë kontakti për të përshpejtuar kërkesat e mbrojtjes për ndihmë dhe informacion. Sipas mbrojtjes, ky përfaqësues do të ishte i dobishëm në veçanti tani kur po afrohet fillimi i gjykimit. Pas kërkesës së mbrojtjes së Veselit, në konferencën e fundit statutore gjykatësi i procedurës paraprake ka kërkuar nga Zyra Administrative që të kontaktojë me autoritetet përkatëse në Kosovë për të gjetur një zgjidhje sipas kërkesës së mbrojtjes. (Kosovapress)
