Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nga dy dokumente të cilat i ka publikuar Gazeta Dita, rezulton qartë që datëlindja e Sali Berishës është 1 korrik 1944. Por ai, në kohën e Enverit festonte datëlindjen në 16 tetor, kur gjithë Shqipëria festonte ditëlindjen e Enver Hoxhës, madje ftonte miq e kushërinj në të njëjtën datë. Pasi i vuri gjoksin të ashtuquajturit “revolucionit” të madh të dhjetorit të vitit 1990, demokratit të ri, nuk i rrinte mirë historia e datëlindjes. Meqë kishte shumë dëshmitarë të festave, ai nisi të thoshte gënjeshtrën e dytë, që kishte lindur në 15 tetor, megjithëse kishte festuar në 16.
Në të vërtetë Saliu nuk është lindur as në 15, as në 16 tetor. Datëlindja e doktorit është 1 korrik dhe është falsifikuar në mënyrë të trashë në regjistrin e Gjendjes Civile me shkrim dore të mbivendosur, pa asnjë vendim gjykate, siç e dikton ligji.
DITA posedon edhe emrat e personave që kanë ndërhyrë në regjistër si dhe urdhëruesin e falsifikimit. Por në këtë pikë, i rëndësishëm nuk është as identiteti i tyre dhe as Enveri, të cilit, derisa ishte gjallë i jargaviteshin shumë si Saliu.
Sot merr rëndësi fakti që ky falsifikim ka pasoja sipas Ligjit për Dekriminalizimin. Në formularin që mbushet bazuar te ky ligj, ka një pikë specifike mbi ndryshimin e gjeneraliteteve. Ato duhen deklaruar. Berisha rezulton që ka gënjyer edhe aty:
Disa vite më parë kur këto dokumente – të botuara, siç e thamë më sipër, për herë të parë nga DITA në shtator të vitit 2021, – nuk njiheshin, Berisha u pyet nëse e ka ndërruar ditëlindjen dhe pse nuk e ka deklaruar këtë në Formularin e Dekriminalizimit.
Berisha dha nga ato përgjigjet e tij prej shejtan budallai duke folur për Edin që e kishte emrin Edvin dhe shtoi se formulari nuk kishte kërkesa të tilla. Sigurisht që gënjeu prapë. Formulari, e kërkon qartazi deklarimin e ndryshimit të gjeneralieve.
