Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një baba nga Rusia, që e detyroi mikun e tij të gërmonte varrin, përpara se ta nxiste të vetëvritej për shkak të abuzimit seksual me vajzën e tij gjashtëvjeçare, është liruar nga burgu pas gjashtë muajsh. Vjaçeslav Matrosov, 35 vjeç, u burgos për 18 muaj, por tani është liruar një vit më herët. Ai e detyroi mikun e tij, Oleg Sviridov, 32 vjeç, të gërmonte një varr në një pyll pranë fshatit Vintai vitin e kaluar. Babai i vajzës gjeti pamje në celularin e abuzuesit Sviridov duke e detyruar vajzën e tij, atëherë 6 vjeçe, të kryente një akt seksual ndaj tij. Kufoma e Sviridov u gjet në shtator të vitit të kaluar, në varrin e improvizuar. Matrosov fillimisht u mbajt nën dyshimin për vrasje, një akuzë që shkaktoi zemërim nga rusët që e panë këtë si të padrejtë. Fshatarët e Vintait filluan një peticion që Matrosov të lirohej nga burgu nga Ministria e Punëve të Brendshme dhe Komiteti Hetues, raporton Mirror. Peticioni, i nënshkruar nga më shumë se 2,500 njerëz, thoshte: “Çdo baba do ta kishte bërë këtë, të vriste dikë që sheh duke abuzuar fëmijën e tij. Ky do të jetë një shembull për të gjithë”. Në prill, gjykata e dënoi Matrosovin me 18 muaj për “nxitje të mikut të tij në vetëvrasje”. Ky rast i jashtëzakonshëm në Rusi, sikur dihet akti i vendosjes së drejtësisë me vetë-drejtësi, është krejtësisht i ngjashëm me rastet e vetëgjyqësisë sikur në “Kanunin e Lekë Dukagjinit”, i cili te ne stigmatizohet pikërisht sepse lejonte vetëgjyqësi, atje ku nuk përfillej ligji i Shtetit, ose kur nuk kishte fare shtet.
