Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama ka dënuar retorikën e politikanes britanike, Suella Braverman kundër emigrantëve. Ai u shpreh se Britania duhet ta trajtojë Shqipërinë me respekt nëse dëshiron të arrijë një marrëveshje për kthimin e depërtimin e tyre. Këto deklarata të Edi Ramës kanë bërë jehonë edhe në shtypin britanik. ‘Sky’, ‘The Guardian’ dhe ‘The Times’ i kanë kushtuar vëmendje të veçantë sot në shkrimet e tyre, deklaratës së kryeministrit të Shqipërisë. Në një ndërhyrje të jashtëzakonshme, Edi Rama tha se ishte çmenduri të fajësosh emigrantët shqiptarë si shkaku i krimit në Britani dhe të problemeve kufitare. Ai e sulmoi Braverman-in për gjuhën që përdori këtë javë kur e përshkroi krizën e emigrantëve në kanalin e La Mansh si një pushtim. Rama e akuzoi politikanen britanike se është duke përdorur një retorikë të tillë për të fshehur dështimet e politikave të ndërmarra nga qeveria. Ai citoi shifra që sugjerojnë se 70 për qind e 140 mijë shqiptarëve në Mbretërinë e Bashkuar jetonin më parë në vende të pasura evropiane si Italia dhe Greqia dhe nuk kishin udhëtuar direkt nga Shqipëria.
