Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot u bënë dy vjet prej arrestimit të krerëve të luftës së Ushtrisë Çlirimtare të Kosovës, Hashim Thaçi, Kadri Veseli, Rexhep Selimi e Jakup Krasniqi nga Gjykata Speciale kundër UÇK-së. Edhe pse kanë kaluar plot dy vjet, ende nuk ka filluar gjykimi kundër katër krerëve të UÇK-së, të cilët përballen me akuza për krime lufte. Për dy vite me radhë gjykatësi paraprak i Procedurës penale kundër tyre, ua ka refuzuar çdo kërkesë për lirim nga paraburgimi. Përveç gjyqtarit paraprak, francezir Nicolas Guillou njëjtë kanë vepruar edhe instancat tjera gjyqësore në kuadër të Gjykatës Speciale. Ky proces, nga avokatët deri tash është cilësuar si i tejzgjatur dhe me shumë kontradikta që nuk janë parë asnjëherë tjetër në një tribunal ndërkombëtar. Prokuroria, disa herë është akuzuar për bashkëpunim me autoritetet serbe, vonesa të qëllimshme në nxjerrjen e materialeve, mos-zbatim të urdhrave, mos-zbatim të afateve e shumë shkelje tjera.
