Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Vitisë, Sokol Haliti ka vizituar fshatin Skifteraj të Vitisë, për të parë nga afër punimet në asfaltimin e rrugës së Cërrnelit. Kjo rrugë parashihet të asfaltohet në një distancë mbi 1 kilometër e gjysmë dhe është shumë i mirëpritur nga banorët e këtij lokaliteti. Rruga lidhet me rrugën alternative që shpie në Mogillë dhe Viti dhe është mirëpritur nga banorët pasi që pjesa dërmuese e bujqve të këtij fshati, e shfrytëzojnë atë për qasje në tokat bujqësore. “Kjo rrugë, pos që do të mundësoj qarkullimin për qasje më të lehtë në tokat bujqësore, kualiteti i së cilës konsiderohet si më i miri në komunën e Vitisë, gjithashtu lidhë edhe fshatrat Mogillë, Skifteraj, Budrikë e Remnik. Ky projekt i rrugës në Skifteraj, do të jetë shumë i dobishëm edhe për finalizimin e projektit të Zonës Industriale”, tha kryetari Haliti gjatë vizitës së punimeve në asfaltimin e rrugës. Ndërsa Isa Sadiku, banorë i fshatit Skifteraj, falënderoi institucionet komunale për realizim të këtij projekti, si dhe theksoi se është shumë i domosdoshëm.
