Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Grupit Parlamentar të Partisë Socialiste, në Kuvendin e Shqipërisë, Taulant Balla ka ndarë disa foto dhe dokumente, të cilat tregojnë se më 17 dhjetor të vitit 2010, Sali Berisha është takuar në godinën e Kryeministrisë, në Tiranë me të besuarin e Vladimir Putinit, politikanin Konstantin Kosaçev. “Konstantin Kosachev ishte inicijuesi i mocionit për rezolutë, prej ku më pas u hartua një raport e në fund Rezoluta 1782 (2011) e Asamblesë Parlamentare të Këshillit të Europës (“APKiE”) për “hetimin e pretendimeve për trajtim çnjerëzor të personave dhe trafikim të paligjshëm të organeve njerëzore në Kosovë”-, shkruan Balla. Duke publikuar dhe dokumentet, ai thotë se Sali Berisha u takua me Kosachev në Tiranë vetëm 37 ditë para votimit në Strasburg të Rezolutës së Këshillit të Europës, bazuar në një raport të sajuar, mbështetur dhe sponsorizuar haptazi nga Kremlini kundër Kosovës. Pse erdhi në Tiranë i besuari i Putinit vetëm një muaj para votimit të Rezolutës? Si dhe sa e shiti Sali Berisha votën dhe heshtjen e Qeverisë shqiptare asokohe ndaj kësaj Rezolute? Si hyri Partia Demokratike në bordoronë e Kremlinit pas këtij takimi dhe sa milionë rubla janë transferuar në llogaritë apo në interes të Sali Berishës?”-, pyet Taulant Balla.
