Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nën organizim të Shoqatës të Burgosurve Politik të degës në Malishevë, me iniciativë të Shoqërisë Lëvizjam, u shënua 40 – vjetori i Bashkimit politik të organizatave patriotike kombëtare – themelimi i LPK -së. Në këtë Akademi falënderimi morën pjesë veprimtarë e ish luftëtarë dhe të burgosur politik nga të gjitha trojet shqiptare si dhe familje të dëshmorëve e veprimtarëve kombëtar ilegal të kohës. Në fjalën e rastit, Kryetari i Komunë së Malishevës, Ekrem Kastrati ndër të tjera tha “Peshë dhe meritë të veçantë për përhapjen e ideve liridashëse, për organizimin dhe drejtimin e përpjekjeve të luftës çlirimtare, ka populli shqiptare me bijtë e bijat e tij që ishin në ballë për çlirim, liri e bashkim kombëtar, të rreshtuar në Ushtrinë Çlirimtare të Kosovës, njëherit për këtë kauzë kombëtare u rreshtuan edhe djemtë e vashat patriotike të Llapushës e Malishevës, duke u betuar ,se do të luftojmë deri në çlirimin përfundimtar të Kosovës dhe trojeve shqiptare, me të vetmin qëllim ,ta kryejmë porosinë e dëshmorëve ndër brezave të të gjitha kohrave për bashkim kombëtar, andaj edhe sot, bëjë thirrje që ta vazhdojmë bashkimin si komb dhe të punojmë për vendin dhe kombin si patriot të vërtetë”. përfundoi Kastrati. Kryetari i Shoqatës të Burgosurve Politik në Malishevë, Haxhi Sertolli tha ”Edhe sot pas 40 viteve të këtij bashkimi të organizatave ilegale, Shqipëria është e pa plotë dhe e pabërë, prandaj thërrasim kombëtarisht të ribashkohem edhe më fuqishëm patriot e veprimtarë nga të gjitha trojet shqiptare të pushtuara nga sllavo- helent, që kauzën tonë për çlitim, liri dhe bashkim kombëtar të jetësojmë simbas betimit të Ushtarëve të Ushtrisë Çlirimtare të Kosovës, Ushtrisë Çlirimtare Kombëtare dhe Ushtrisë Çlirimtar të Preshevës, Bujanocit dhe Medvegjës, Ta bëjmë Shqipërinë”. Me kumtesa për 40 – vjetorin e Bashkimit politik të organizatave patriotike kombëtare- themelimin e LPK -së, u paraqitën, Dr. Asllan Krasniqi, ku foli për shtypin e kohës në këto treva, ”Zëri i nxënësve” dhe ” Republika e Kosovës” si dhe për veprimtarët e ilegales të Lëvizjes Popullore të Kosovës për Malishevë e më gjerë. Gani Krasniqi, deputet aktual në Kuvendin e Kosovës dhe i burgosur politik, Halit Krasniqi ish deputet dhe një ndër organizatorët e ilegales në LPK për kohën dhe në fund foli Ekrem Jashari, nga trojet shqiptare për veprimtarin e LPK-së dhe platformën politike. Në fund u ndanë mirënjohje për veprimtarët e çështjes kombëtare të cilët dhanë kontribut nëpër kohë e të cilët nuk jetojnë mes nesh si dhe të tre veprimtarëve të cilët jetojnë e veprojnë për çështjen kombëtar, Bilall Kryeziu, Gani Krasniqi dhe Halit Krasniqi u nderuan me mirënjohje. Mirënjohjet i ndau, kryetari i Shoqërisë Lëvizja, Xhevat Bislimi dhe personalitete të tjera nga jeta publike e institucionale.
Lavdi të gjithë të rënëve për Liri Çlirim dhe Bashkim Kombëtar!
