Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Arsimit, Shkencës dhe Teknologjisë, Arsim Bajrami dhe ministri i Diasporës, Valon Murati zhvilluan sot një takim me përfaqësues të Ministrisë së Arsimit dhe Sporteve të Shqipërisë dhe ekspertëve për hartimin e kurrikulave. Temë qendrore e takimit në mes tyre ishte rritja dhe fuqizimi i bashkëpunimit në mes të institucioneve shtetërore të të dyja vendeve në fushën e arsimit dhe edukimit. Me këtë rast, ministri i Arsimit, Arsim Bajrami përgëzoi të gjithë mësimdhënësit të cilët punojnë më nxënësit në diasporë dhe theksoi se ministria që ai drejton do të vazhdojë të mbështesë me tekste shkollore e forma të ndryshme zhvillimin me sukses të mësimit plotësues të gjuhë shqipe në diasporë. Ndërkohë ministri i Diasporës, Valon Murati tha se shkolla shqipe duhet të mbështetet në vazhdimësi, që të kemi kontinuitet të zhvillimit të mësimit atje. Përfaqësuesi i Shqipërisë, Erzen Tola, thsksoi se Ministria e Arsimit e Shqipërisë merr përsipër realizimin e marrëveshjes së përbashkët si një produkt jashtë zakonisht i rëndësishëm për zhvillimin e mësimit plotësues në diasporën tonë dhe se kjo çështje do të diskutohet edhe në nivelet e larta politike të shtetit.
