TC Kosova e Re me benefite socio-ekonomike e mjedisore

26/05/2016 Institucionet

Në ditën e dytë të Panairit Ndërkombëtar të Ndërtimit, Energjetikës dhe Teknikës “EXPOKOS” në Prishtinë, Ministri i Zhvillimit Ekonomik, Blerand Stavileci vizitoi shtandet e disa kompanive pjesëmarrëse, e veçanërisht ato të sektorit të energjisë.

Në këtë kuadër, Stavileci u ndal te kompania Countour Global me të cilën MZHE ka nënshkruar Memorandum Mirëkuptimi për TC Kosova e Re, ku bashkëbisedoi me përfaqësues të saj.

Me këtë rast kreu i MZHE-së tha se projekti i TC Kosova e Re ndodhet në fazën e marrëveshjeve komerciale, pas të cilave vjen faza e përgatitjes së pakos tenderuese për ndërtimin e TC ”Kosova e Re”, për të cilën do të ketë një garë të hapur mes liderëve të ndryshëm botërorë në fushën e prodhimit të energjisë elektrike, stabilimenteve dhe ndërtimin e TC-ve.

Sipas tij, ky projekt i cilit pritet të nis në pranverë të vitit të ardhshëm do  t’i sjellë shumë benefite vendit tonë në disa dimensione.

“Përveç dimensionit sektorial në sigurimin e furnizimit të qëndrueshëm dhe cilësor me energjie elektrike, kemi edhe dimensionin social, meqenëse bëhet fjalë për mijëra vende pune, të cilat do të krijohen dhe dimensioni mjedisor, sepse do të përdoret teknologji e avancuar e cila mbron mjedisin”, tha ai.

Stavileci përsëriti se teknologjia e cila përdoret në këtë projekt është shumë më e avancuar dhe shumë më efiçiente sesa ato që janë përdorur në të kaluarën, dhe se do të jetë më e pastër sesa disa burime të tjera, të cilat mendohet që janë miqësore me mjedisin, respektivisht, me teknologjinë e që do të përdoret do të jenë të  pakrahasueshme.

Në këtë kuadër, Ministri Stavileci vizitoi edhe kompani tjera të fushës së energjisë, ku u njoh për së afërmi me shërbimet e tyre.

Kontrolloni gjithashtu

Nënkolonel Besnik Fana, shpallet “Qytetar Nderi” i Deçanit

Nën kujdesin e kryetarit të Komunës, z. Bashkim Ramosaj, dhë nënkryetarit, z. Sami Cacaj, u …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara