Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Paraditen e sotme, një ekip zyrtarësh nga Drejtoria e Bujqësisë dhe Pylltarisë në komunën e Ferizajt, prirë nga drejtori Burim Bajrami, vizituan shkollën fillore “Astrit Bytyçi” në Ferizaj, për të nisur sesionet informuese për vetëdijësimin e nxënësve në shkolla për mënyrën e sjelljes dhe transmetimin e sëmundjeve nga qentë endacak tek njerëzit. Me këtë rast, drejtori Bajrami tha se ky projekt do të shtrihet në shkollat fillore dhe të mesme të Ferizajt, duke vënë theksin se ky projekt po zbatohet për herë të parë në Ferizaj dhe si i tillë synon që të vijoi edhe viteve të ardhshme. Drejtori Burim Bajrami po ashtu vuri theksin tek rëndësia që ka vetëdijësimi i nxënësve në shkolla për mënyrën e sjelljes dhe transmetimin e sëmundjeve nga qentë endacak tek njerëzit, e cila rrjedhimisht nënkupton edhe siguri por edhe mbrojtje shëndetësore për nxënësit.
