leoni

BALZAKU I LETRAVE SHQIPE U KUJTUA SOT NË PËRVJETORIN E LINDJES SË TIJ

07/12/2022 Institucionet

Sot, në kuadër të shënimit të Ditës së Bibliotekës Komunale “Sulejman Krasniqi”, Zyra e Kryetarit të Komunës së Rahovecit dhe DKRS organizuan një manifestim kulturor, në kuadër të të cilit u mbajt edhe tryeza me temë:  Roli dhe ndikimi i Sulejman Krasniqit në Lëvizjen ilegale shqiptare. Bashkëpunëtorët, të njohurit dhe artdashësit lexuan kumtesat e tyre shkencore bazuar mbi jetën dhe veprimtarinë letrare e historike të Sulejman Krasniqit. Me kumtesa u paraqitën; veprimtari Mehmet Hajrizi, Prof. Dr. Ermelinda Kashahu studiuese nga Gjirokastra, Prof.Dr. Sabahajdin Cena, Prof.Dr. Kudusi Lama, Dr. Shyqri Galica kryetari LSSHK, Fitore Rexhep Mala e Albana Sulejman Krasniqi. Po ashtu, u nda edhe Çmimi letrar “Sulejman Krasniqi” të cilin e ndan Komuna e Rahovecit. Këtë vit me propozim të kryetarit Latifi, Kuvendi Komunal ka bërë plotësim-ndryshimin e tij duke i ndarë tre çmime bazuar në konkursin e shpallur javë më parë. Juria profesionale e konkursit letrar “Sulejman Kraniqi”, publikoi edhe vlerësimet profesionale të krijimeve letrare – artistike. Juria në përbërje: Prof.Dr. Besim Muhadri, Leonita Parallangaj, magjistre e letërsisë dhe Sokol Gashi, profesor i Gjuhës dhe i Letërsisë, shpallën tre fituesit e këtij konkursi.  Vendi i tretë iu nda poezisë “Dilemë” me shifrën “Dora D’Istria”. Në vendin e dytë u rendit tregimi me titull “Berberi” me shifrën “Artemisa 2022”. Ndërsa vendi i parë iu nda poezisë me titull “Për tokën time” me shifrën “Dallëndyshja me fole Kosove”.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara