Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Albin Kurti, ka paralajmëruar për rolin e Rusisë në nxitjen e tensioneve në veri të Kosovës, derisa Beogradi ndërmori hapin e parë në dislokimin e trupave në rajon, kështu shkruan, The Guardian. Serbët etnikë në veri të Kosovës, ku janë shumicë, kanë ngritur barrikada dhe ato vazhdojnë të jenë aty për afër dy javë, duke penguar lëvizjen e lirë të autoriteteve, dhe duke mos iu përgjigjur thirrjeve të Shteteve të Bashkuara të Amerikës dhe BE-së për largimin e tyre. The Guardian shkruan se një grup i madh anëtarësh të një organizatë nacionaliste serbe me lidhje me grupin paraushtarak rus Wagner, ishin mbledhur gjithashtu të dielën në anën serbe të kufirit Serbi-Kosovë duke kërcënuar se do të përballeshin me trupat e NATO-s. Dhe lidhur me këto zhvillime, mediumi britanik citon kryeministrin e Kosovës, Albin Kurti, i cili shprehet i shqetësuar se situata e tensionuar mund të përshkallëzohej në avantazh të Vladimir Putinit”. Albin Kurti kishte rënë dakord që t’u jepte kohë trupave të udhëhequra nga KFOR-i, për t’i bindur ata që ishin në barrikada të tërhiqeshin, por u bënë 11 ditë prej kur janë vendosur barrikadat dhe serbët nuk po i tërheqin.
