Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Rreth 60 kilometra shtigje të ecjes, do të jenë në shërbim të dashamireve të ecjes në natyrë. Ky projekt i cili u financua nga Komuna e Ferizajt dhe organizata Swiss Contact parasheh shenjëzimin dhe digjitalizimin e hartës së shtigjeve. Nënkryetari i Komunës se Ferizajt Lulzim Aliu, me rastin e përurimit është shprehur se ky projekt i cili më në fund po realizohet, ka qenë kërkesë e kamotshme e alpinisteve të komunës se Ferizajt. Shenjëzimi i shtigjeve do të sjelle grupe te ndryshme alpine nga vende të ndryshme duke zhvilluar turizmin malore në komunën e Ferizajt. Sipas drejtorit të Drejtorisë së Zhvillimit Ekonomik dhe Turizmit Balton Dërgutit, qytetarët ferizajas së shpejti do të njoftohen edhe për mënyrën e shkarkimit të aplikacionit në telefonat e tyre me hartën digjitale te shtigjeve dhe do te kenë mundësi te ecin pa pasur nevojë për ndonjë udhërrëfyes. Implementues i këtij projekti ishte Klubi Alpin Prishtina. Kryetari i saj Nazmi Hasanramaj tha se ky projekt është realizuar me standarde evropiane. Koordinatori i realizimit te këtij projekti, alpinisti Besnik Reka tha se ky projekt ishte ëndërr e kamotshme e alpinisteve, por fale Kryetarit Agim Aliu dhe drejtorit Balton Derguti me ne fund ky projekt po behet realitet.
