Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gazeta autoritative italiane, “Corriere Della Sera”, ka publikuar një artikull në të cilin e krahason situatën në pjesën veriore të Kosovës me gjendjen në rajonin lindor të Ukrainës, në Donbas. Krahasimin mes Kosovës e Donbasit e ka bërë më parë edhe kryetari rus, Vladimir Putin. Ai madje ka përmendur edhe vendimin e Gjykatës Ndërkombëtare të Drejtësisë më 2010 për pavarësinë e Kosovës për ta justifikuar njohjen e pavarësisë së rajoneve Donetsk e Luhansk të Ukrainës. Ish-ambasadori i Serbisë në Bjellorusi, Dukiq, ka thënë se ky krahasim nënkupton se Putini, në të vërtetë, e njeh Kosovës si shtet të pavarur. Pavarësisht nga kjo konteksti i shpalljes së pavarësisë së Kosovës dhe rrugëtimi i vendit tonë deri më 17 shkurt 2008 dallon shumë nga historia e rajonit lindor të Ukrainës. Gazeta italiane shkruan se Serbët dhe shqiptarët janë sërish afër një konflikti të ri të armatosur. Duke vëzhguar situatën mund të imagjinohet se si do të jetë Donbassi pas 30 vjetësh. Koha në Ballkan është gjithmonë rrethore, ku gjithnjë rikthehet në pikën zero, atë të pikënisjes. Plagët ataviste dhe gabimet e fundit ndezin gjahun e hakmarrjes. Nacionalizmi ndezës është valuta e momentit. Serbët dhe shqiptarët janë afër një konflikti të armatosur. Serbia e rreshtoi ushtrinë afër kufirit me Kosovën. Kufi ky që definohet si “administrativ”, meqë shteti serb nuk e njeh pavarësinë e Kosovës, që u fitua pas luftës së vitit 1999.
