Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri, Avdullah Hoti, ka kërkuar përgjegjësi nga Qeveria aktuale, pasi Shtetet e Bashkuara të Amerikës kanë bërë të ditur se aktualisht nuk e shohin të mundshme, njohjen e Kosovës nga Serbia. Ai thotë se qeveritarët duhet t’i tregojnë popullit ku e kanë katandisur punën që e ka shtyrë Amerikën të deklarojë se nuk është koha për njohje nga Serbia. Çfarë ka ndodhur në marrëdhëniet e Kosovës me Uashingtonin që njohja reciproke nuk është më në qendër? Udhëheqja aktuale e Qeverisë Kurti e ka përmendur gjithmonë njohjen në qendër. Në gjysmën e dhjetorit, kur emisari amerikan për Ballkanin Perëndimor, Gabriel Escobar, vizitoi Prishtinën, u pyet se çka duhet të ketë në qendër të marrëveshjes mes Kosovës dhe Serbisë dhe ai u përgjigj se qendër duhet të jenë integrimet evropiane për të gjitha shtetet e Ballkanit Perëndimor. Në këtë kontekst, një marrëdhënie e mirë, marrëdhënie e qëndrueshme mes të gjitha shteteve të rajonit”, ka thënë Escobar, duke shtuar se në fund, njohja e plotë e së drejtës së të gjitha shteteve për të ekzistuar, e pavarësisë dhe sovranitetit të tyre.
