Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Trupi gjykues, i kryesuar nga Mappie Foglia, ka refuzuar kërkesën e Zyrës së Prokurorit, që kërkonte kufizime dhe monitorim të komunikimeve të Pjetër Shalës. Sipas vendimit të gjykatës, më 4 nëntor 2022, kjo zyre kërkoi Panelit të urdhërojë kufizime në komunikimet jo të privilegjuara të Pjetër Shalës përpara fillimit të gjykimit. Zyra kërkoi në veçanti që komunikimet e të Akuzuarit me telefonë, e mjete të tjera elektronike, korrespondencë ose personalisht me persona jashtë ambienteve të paraburgimit, të monitorohen në mënyrë aktive; komunikime të tilla kufizohen tek individët e miratuar paraprakisht nga Paneli; dhe i Akuzuari të urdhërohet që të mos ndajë asnjë material konfidencial ose ndonjë informacion tjetër identifikues me askënd jashtë ekipit të tij të mbrojtjes”, është thënë në këtë vendim. Sipas vendimit, mbrojtja e ka kundërshtuar kërkesën e ZPS-së dhe ka thënë se është e pabazuar, e pajustifikuar dhe disproporcionale, andaj ka kërkuar nga trupi gjykues ta refuzojë atë. Pjetër Shala është arrestuar më 16 mars 2021, nga autoritetet belge dhe është transferuar në Hagë më 15 prill 2021, në bazë të një kërkese për bashkëpunim në zbatimin e fletë-arrestit dhe urdhrit për transferim lëshuar nga Gjykata Speciale.
