Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
I mbijetuari i Masakrës së Mitrovicës, të cilën e kryen barbarisht serbët mbi civilët shqiptarë më 14 prill të vitit 1999, Isa Mustafa, ka rrëfyer se si ka ndodhur kjo masakër. Ai thotë se në atë ditë, forcat e mëdha serbe kanë hyrë në lagjen tonë, kanë dëbuar dhe kanë filluar të ndajnë burrat nga 18 e më lartë, pleqtë, gratë e fëmijët i kanë larguar në një drejtim tjetër. Pastaj kur na kanë dërguar te vendi i ekzekutimit, vjen një kërkesë nga një paramilitar dhe pyet se çka duhet bërë me ta. Oliver Ivanoviqi dëgjohet duke thënë ‘veproni sipas urdhrave’ dhe më pas filluan ekzekutimet. Pra atë ditë janë vra 24 veta prej lagjes tonë, me urdhër të Oliver Ivanoviqit. I mbijetuar Isa Mustafa ka treguar edhe se si i ka shpëtuar ekzekutimit. Gjatë procesit të ekzekutimit, një ushtarak me ton të lartë bërtet kush e ka urdhëruar ekzekutimin dhe ekzekutimi ndalet te pesë personat e fundit, njëri prej tyre isha unë. Ai erdhi nga kazerma e lagjes Bair dhe kërkoi ndërprerjen e urdhrave. Filluan disa fjalë mes tyre, ne të pesëve na kthyen mbrapa. Isa Mustafa ka komentuar dënimin me 9 vjet burg Oliver Ivanoviq dhe deklaratën e Kurtit për të. “Të dënohet dikush vetëm me 9 vjet burg ka qenë e pakuptueshme, për mua si dëshmitar, por edhe për të tjerët… Nuk më erdhi mirë shprehja pozitive e kryeministrit për një person që ka qenë gjithmonë kundër Kosovës. Nuk kam menduar që Albin Kurti me një deklaratë të tillë. Për neve që e kemi përjetuar gjërat, Ivanoviqi gjithmonë do të quhet kriminel, tha i mbijetuar i Masakrës së Mitrovicës, Isa Mustafa.
