Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli për Mbrojtjen e të Drejtave dhe Lirive të Njeriut ka reaguar ndaj fushatave linçuese që po ndërmerren nga mediet në lidhje me rastet e arrestimeve të fundit. Sipas këtij Këshilli, njerëzit linçohen publikisht pa u dënuar dhe pa u përfunduar procesi gjyqësor. “Në Kosovë ku për rastet e ndjeshmërisë së lartë përgjegjësinë e kanë prokurorët dhe gjykatësit ndërkombëtarë , më parë të UNMIK – ut , tani të EULEX-it, zakonisht kur trajtohen këto raste arrestimit i paraprinë një fushatë mediale që e parapërgatitë terrenin për arrestime të bujshme , me pompozitet dhe spektakël medial e që në të shumtën e rasteve përfundojnë me vendime liruese për të akuzuarit të cilëve ua shkatërrojnë karrierën , ua shkatërrojnë reputacionin dhe ua shkatërrojnë familjet përmes linçimit publik”, thuhet në komunikatë. Duke komentuar rastin e të dyshuarve për vepra penale në krye me ish-deputetin, Azem Syla, KMDLNJ thekson se të arrestuarit janë portretizuar si kriminelë të rrezikëshëm, megjithëse nuk kanë përfunduar ende hetimet. “Grupi i rrezikshëm kriminal , kriminelët që kanë bashkëpunuar me Serbinë , komandantë të Çagllavicës, Graçanicës ,etj ; ata që e rrezikojnë jetën e dëshmitarëve të mbrojtur , etj ….’ këto janë cilësime që drejtpërdrejtë ndikojnë në procesin e hetimeve , bëjnë presion te hetuesit duke paragjykuar fajësinë e të arrestuarve ende pa përfunduar hetimet dhe pa një vendim të një gjykate”, thuhet në kumtesën e KMDLNJ-së. Sipas tij Këshilli, këto janë shenja të qarta se vështirë do të ketë proces të rregullt, të paanshëm dhe të pandikuar politikisht.
