Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Emisarët ndërkombëtarë pas vizitës së fundit që kanë zhvilluar në Prishtinë dhe në Beograd kanë ritheksuar fuqishëm se kërkojnë nga Kosova themelimin e Asociacionit të Komunave me Shumicë Serbe. Nga institucionet e Kosovës ende s’ka pasur ndonjë propozim se si do të mund të dukej dhe themelohej Asociacioni, ndërkohë instituti gjerman Fridrih Ebert Shtiftung e ka hartuar një draft të cilin edhe pritet që ta bëjë publik në ditët në vijim. Një jë prej modeleve që po qarkullon në qarqet diplomatike si Paris e Bruksel është shembulli i Belgjikës Lindore, i Ishujve Aland, Tirolit Jugor. Këto po trajtohen si modele kryesore për zgjidhjen e problemit në mes të Kosovës dhe Serbisë. “Demostat” shkruan se komuniteti gjerman folës në Belgjikë përfshin nëntë komuna, ka asamblenë, qeverinë dhe flamurin e vet. Përgjegjësitë që ajo vendos kanë të bëjnë me shëndetin dhe mbrojtjen sociale, arsimin, kulturën dhe trashëgiminë kulturore, formimin profesional, punësimin, median, turizmin, sportin, politikën lokale, si dhe financat.
