Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ambasadori i OSBE gjatë luftës në Kosovës, William Walker thotë se Serbia ka investuar shumë në makinerinë e sah propaganduese për ta mohuar Masakrën e Reçakut, e cila ishte kryer nga forcat policore dhe ushtarake serbe, më 15 janar të vitit 1999. Walker në një intervistë për “The Geopost” thekson se kryetari aktual serb Aleksandar Vuçiç ishte në zinxhirin komandues të Sllobodan Millosheviqit, të cilët kishin dhënë urdhër për kryerjen e kësaj masakre. Që nga fillimi Serbia ka thënë se kjo ngjarje nuk është e vërtetë. Ata lansonin shumë arsyetime, se gjoja unë jam agjent i CIA-së me mbulesë ndërkombëtare nga OSBE-ja, se jam dërguar këtu nga CIA apo nga Departamenti i Shtetit ose nga Shtëpia e Bardhë për të shkatërruar disi Serbinë dhe se unë isha i gatshëm të them çdo gënjeshtër për të shkatërruar atë”, thekson ish-ambasadori OSBE-së. “Kur e di që ministri i Propagandës në kohën e Millosheviqit ishte një zotëri i quajtur Aleksandar Vuçiç dhe se ai po përhapte të gjitha këto gjëra qesharake për mua dhe për çfarë kam ardhur në Kosovë, e kuptoj pse ai ende e përdor temën e Masakrës së Reçakut dhe çfarë ishte versioni serb i asaj që ndodhi”, saktëson, miku i së vërtetës dhe i shqiptarëve, Viliam Voker.
