Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pasditen e sotme, Koordinatori për Punë Sociale i Komunës së Ferizajt, Agon Zhinipotoku, sipas caktimit të Kryetarit të Ferizajt, Agim Aliu dorëzoi një kontigjent prej 100 dyshekëve për familjet në nevojë pas vërshimeve masive në Skenderaj. Janë bizneset donatore “Vizioni” dhe D&T Tex që dhuruan bashkë gjysmën e këtij kontigjenti kurse gjysma tjetër mbulohet nga koordinatori Zhinipotoku me qytetarë tjerë vullnetmirë. Këtë kontigjent ndihme e pranoi Kryetari i Komunës së Skenderajt, Fadil Nura i cili falënderoi Komunën e Ferizajt, qytetarët dhe bizneset ferizajase për gatishmërinë për ndihmë dhe përkrahjen e sinqertë në tejkalimin e kësaj situate. Mbështetja për Skenderajn dhe komunat tjera që pësuan nga vërshimet do të vijoj edhe ditëve në vijim nga Komuna e Ferizajt, bizneset dhe qytetarët.
