Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Shteteve të Bashkuara të Amerikës në Beograd, Christopher Hill ka thënë se Serbia është gati për t’u marrë vesh me Kosovën për marrëveshjen përfundimtare drejt normalizimit të marrëdhënieve. Ai nëpërmjet një postimi ka thënë se marrëveshja nuk do të jetë e lehtë për asnjërën palë, përderisa ka shprehur shpresën që të gjitha palët të jenë gati për marrëveshjen. Fondacioni “Friederich Elbert Stiftung” ka publikuar draftin e Asociacionit të Komunave me shumicë serbe, një marrëveshje e vjetër ndërmjet Kosovës dhe Serbisë që ishte e arritur në Bruksel në vitin 2013, por e pazbatuar deri tani. Shtetet e Bashkuara të Amerikës dhe Bashkimi Evropian janë duke kërkuar me insistim që Kosova të lëviz drejt themelimit të Asociacionit, por Qeveria e Kosovës ka hezituar deri tani që ta bëj hapa të tillë, duke kërkuar njohje nga Serbia dhe integrim në BE, NATO dhe OKB. Sot Ambasada amerikane mban një takim me përfaqësues institucionesh, të opozitës dhe përfaqësues të shoqërisë civile për t’i diskutuar pikërisht alternativat për themelimin e Asociacionit për komuna serbe.
