Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Lidhjes Demokratike të Kosovës, Lumir Abdixhiku është përplasur me kryeministrin Albin Kurti për shkak qëndrimit të këtij të fundit rreth çështjes së Asociacionit të komunave me shumicë serbe. Abdixhiku e ka akuzuar Kurtin për polarizim të qëndrimeve dhe si rrjedhojë ai i ka thënë se është detyrë e qeverisë Kurti që në veri të ndodhi çarmatosja. “Albin a je i vetëdijshëm që je kryeministër i Kosovës që heqja e armëve është përgjegjësi kushtetuese e jotja dhe e organeve të rendit në Kosovë, dhe jo çështje e dialogut me Serbinë. A e dinë këtë gjë? Si mendon që është kusht çarmatosja? Është e jotja e policisë, e ministrit të brendshëm, ku e ke? Si është kusht? Jo 6, por 22 udhëzime i ke prej Gjykatës Kushtetuese, të gjitha i ke me një vend, respektim i rendit kushtetues të Kosovës. Nuk ka polarizim më të madh në dy tri fjalitë tua sesa sot njëherë thua do ta implementosh marrëveshjen e viti 2013, më pas Asociacion të Sharrit, Bjeshkëve të Nëmura. A je i vetëdijshëm çka po flet. Po i shpreh dy pole të mendimit në një vend. A je mirë”, ka pyetur Abdixhiku në Kuvend.
