Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtari i AAK-së, Muharrem Nitaj, ka shkruar se kryetari i Vetëvendosjes, Albin Kurti, duhet të sqarohet me aktivistët dhe zyrtarët e tij dhe jo me kundërshtarët. Njeriu edhe mund t’i ndërrojë qëndrimet. Politikani edhe më kollaj se sa njeriu i zakonshëm. Deri sot, është sulmuar Albin Kurti se është i ngurtë, është jo bashkëpunues; se e ka bllokuar vendin me qëndrime që nuk mund të jenë të njëjta si në opozitë si në pushtet; se nuk po i përfillë kërkesat e partnerëve strategjikë, siç janë Amerika dhe BE…e kështu me radhë. Sot po thonë se ai e paska pranuar asociacionin. Por nëse është kështu, përse pra nuk po dalin e t’i thonë Albin Kurtit, të lumtë që e ke kuptuar se duhet të ndryshosh, kundërshtarët politik këtë ia kanë kërkuar, por i gjuhen si gjuhustra pse po ndryshon! Këta kundërshtarë do të duhej t’i thoshin Albin Kurtit sot, nëse ke ndryshuar, me ne nuk ke më punë. Jemi në rregull. Tash qetësoi njerëzit e tu. Atyre shpjegoju se pse i ke mashtruar tash e 20 vjet e pse i ke shti aty ku “as nuk mund të hyhet e as nuk mund të dilet”, ka shkruar, analisti, Muharrem Nitaj.
