Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë një interviste të dhënë për Zërin e Amerikës, ish kryeministri i Kosovës, Avdullah Hoti ka deklaruar se Kosova asnjëherë në historinë e saj nuk ka qenë në një pozitë më të disfavorshme në dialogun me Serbinë dhe marrëdhëniet me Shtetet e Bashkuara të Amerikës. “Partneritetin që e kemi me Shtetet e Bashkuara është ekzistencial, nuk është vetëm një partneritet diplomatik siç mund ta kemi me plot vende të tjera nëpër botë që na kanë njohur, por është partneritet ekzistencial. Marrëdhëniet e ngushta me Shtetet e Bashkuara janë në thelbin e vetë ekzistencës së shtetit të Kosovës” ka theksuar mes tjerash, deputeti nga radhët e Lidhjes Demokratike të Kosovës, Avdullah Hoti. Duke folur për debatet që po zhvillohen lidhur me Asociacionin, ai ka thënë se Asociaconi është bërë pjesë e rendit kushtetues të Kosovës, është përgjegjësi e bartësve të institucioneve të sigurohen që këto obligime ndërkombëtare që i ka marrë Kosova, i ka bërë pjesë të rendit kushtetues, t’i zbatojë në koordinim të ngushtë me partnerët ndërkombëtarë dhe të sigurohet që të zbatohen brenda kushtetutës së Kosovës.
