Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Preshevës, Shqiprim Arifi, të martën ka dorëzuar kallëzim penal në Prokurorinë Speciale të Republikës së Kosovës lidhur me keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. Ai tha se 27 mijë euro janë shpërndarë nga këshilltarja e kryeministrit Kurti, Ardita Sinani. Qeveria e Kosovës ka synuar ta fuqizojë një parti në Kosovën Lindore, ndonëse janë pesë të tilla. Krejt kjo që ka ndodhur është një anomali politike. Ka ndërruar qasja e Kurtit për tri komunat e mbetura nën Serbi. Dua t’i njoftoj qytetarët se ka ndodhur një krim i organizuar ndaj shqiptarëve të kësaj ane. Me paratë e Kosovës po bëhen përpjekje që të fuqizohet një parti nga pesë parti sa janë në këto anë. Ardita Sinani, këshilltarja e kryeministrit Kurti, i ka shpërndarë 27 mijë euro. Agon Islami është anëtar i kabinetit të Shaip Kamberit dhe ka marrë 25 mijë euro veç pse ka një portal. Këtë situatë na e ka imponuar Vetëvendosja, ka sqaruar kryetari i komunës së Preshevës, Shqiprim Arifi.
