Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bashkimi Evropian ka bërë thirrje sërish që Kosova të themelojë Asociacionin e komunave me shumicë serbe, duke thënë se ky është obligim ligjor që buron nga marrëveshja e nënshkruar në Bruksel në kuadër të dialogut. Zëdhënësi i BE-së, për politikë të jashtme, Peter Stano ka shpjeguar se ende nuk ka një datë për caktimin e një niveli të lartë mes kryeministrit të Kosovës, Albin Kurti dhe kryetarit të Serbisë, Aleksandar Vuçiq. Është një obligim i qartë për Kosovën që menjëherë të themelojë ose të merr hapa për themelimin e Asociacionit. Është detyrim ligjor i Kosovës. Tani është e rëndësishme që Kosova dhe Serbia të respektojnë marrëveshjet dhe detyrimet që vijnë nga marrëveshjet e Brukselit. Peter Stano ka thënë se përfaqësuesi special i BE-së për dialogun Kosovë – Serbi, Miroslav Lajçak, u ka bërë të qartë të dyja palëve se BE-ja pret përparim drejt normalizimit të marrëdhënieve në mes dy shteteve. Ai saktësoi se prioritet vazhdon të mbetet shtendosja e situatës, pasi tensionet mes dy vendeve po vendosin në rrezik të arriturat e punës shumëvjeçare në kuadër të dialogut.
