Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Studiuesja dhe profesoresha në Universitetin e Amsterdamit, Nevenka Tromp, tha se realizimi i çështjes së Asociacionit të Komunave me Shumicë Serbe në konteksin e një marrëveshjeje eventuale ndërmjet Kosovës dhe Serbisë, tashmë është kryer. Ajo thotë se sa i përket një vetëqeverisje lokale për komunitetin serb ajo duhet të bëhet me kujdes. Por, një gjë, detajet e së cilës duhet elaboruar edhe më me kujdes, është ajo që “të mos u jepet mundësia atyre që kanë qëllime të këqija brenda komunitetit serb që ta përdorin atë për ta shkëputur krejtësisht nga qeveria e Kosovës dhe autoriteti i shtetit të Kosovës”. Zonja Tromp në lidhje me qasjen e Kryeministrit të Kosovës, Albin Kurti, vëren se është tejet e vështirë që një politikan i ri në pushtet të gjejë veten kryeministër në mandatin e tij të parë. “Ai është një lloj tjetër lojtari; ndërsa Vuçiq i cili është shumë më gjatë në pushtet është shumë më dredharak kur jemi te politikat simbolike dhe verbale”, vlerëson ajo. Në lidhje me “lëvdatën” ndaj Serbisë, dhe qortimit amerikan ndaj Kosovës, kryesisht në dritën e shfaqjes së planit franko-gjerman, Tromp e sheh si lojë “verbale dhe simbolike të Vuçiqit”.
