Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Arben Gashi, Shef i grupit parlamentar të LDK-së, sot në Kuvendin e Kosovës ka thënë se pozicionimi i kryeministrit, Albin Kurti në dialogun me Serbinë është i dëmshëm dhe i rrezikshëm, i cili është shprehur se marrëveshja, e cila po negociohet nuk është finale. Arben Gashi ka thënë se katër faktet e përmendura nga Albin Kurti, kanë lëvizur në mënyrë drastike boshtin e qëndrimeve institucionale të Kosovës. Sot e kemi thirr në vazhdën e seancës e cila pat zhvillime të paparashikueshme dhe deklarime të jashtëzakonshme nga ana e kryeministrit, i cili deklaroi se marrëveshja, që po negociohet nuk është marrëveshje finale, nuk është ligjërisht e obligueshme dhe nuk ka garanci ndërkombëtare sa i përket njohjes reciproke. Këto ishin katër fakte për të cilat ne i morëm vesh zyrtarisht nga kryeministri Kurti, të cilat vlerësojmë që e dëmtojnë shumë pozicionin e Kosovës në bisedime me Serbinë”, ka thënë, Arben Gashi.
