Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Komunës së Ferizajt Lulzim Aliu, bashkë me drejtoreshën e Drejtorisë për Kulturë Rini dhe Sport, Xhemile Murati- Shabani si dhe drejtorin e Drejtorisë së Arsimit Afrim Llabjani, pritën përfaqësues të Ambasadës Franceze, profesor nga Aleanca Franceze, si dhe përfaqësues nga organizata PlayInternational. Kjo ditë shënoi edhe zyrtarisht fillimin e punës për pjesëmarrjen e njëzet të rinjve në lojërat para olimpike në Gravelines të cilat do mbahen në qershor të këtij viti, si dhe trajnimin e 100 mësimdhënësve nga kjo organizatë. Gjithashtu të rinjtë e Ferizajt të përzgjedhur nga PlayInternational filluan me mësimin e gjuhës frënge, në mënyrë që të jenë të gatshëm për të komunikuar me miqtë e tyre nga qyteti francez, me të cilin Komuna e Ferizajt është binjakëzuar vitin e kaluar. Ky projekt është përkrahur financiarisht nga Ministria e Punëve të Jashtme e Francës, Komuna e Gravelines, Komuna e Ferizajt, Ambasada e Francës në Kosovë si dhe Aleanca Franceze në Kosovë.
