Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Turqi ka shkuar për visitë, ministri I Jashtëm I Greqisë, Nikos Dendias për të pare nga afër dëmet e shkaktuara nga tërmetet dhe për të shfaqur gatishmërinë e Athinës zyrtare për të ofruar ndihmë për t’u përballur me këtë fatkeqësi natyrore që ka goditur Turqinë. Gjatë bisedës miqësore me shefin e diplomacies turke, Mevlut Çavushoglu, kryediplomati grek, Nikos Dendias theksoi se dëshiron të përcjell te udhëheqja turke dhe populli turk ngushëllimet më të sinqerta nga Qeveria e Mitostakis dhe nga i gjithë populli grek për humbjet pas dy tërmeteve shkatërruese. Ndërkohë, ministri i jashtëm turk, Mevlut Çavushoglu tha se kjo tregon solidaritetin e popullit grek me Turqinë dhe me popullsinë turke. Greqia është një ndër shtetet e para që ka thirrur Turqinë për t’i ofruar ndihmë pas tërmeteve. Të dy ministrat kujtuan edhe tërmetet që kishin goditur Turqinë e Greqinë në vitin 1999 dhe ndihmën që ato ia kishin dhënë njëra tjetrës.
