Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata e Kombeve të Bashkuara e ka pranuar se banorët e Sirisë nuk janë ndihmuar sikur e kanë merituar, gjatë përballjes me pasojat e rënda nga tërmeti i 6 shkurtit, i cili goditi edhe Turqinë. Zyrtari më i lartë i ndihmës humanitare i Kombeve të Bashkuara, Martin Griffiths, pranoi se Organizata e Kombeve të Bashkuara kishte dështuar të ofronte ndihmë për njerëzit në rajonin e kontrolluar nga opozita e Sirisë që nga tërmeti shkatërrues i së hënës. “Deri më tani kemi dështuar te njerëzit në veriperëndim të Sirisë. Me të drejtë ndihen të braktisur. Duke kërkuar për ndihmë ndërkombëtare që nuk ka mbërritur. Detyra ime dhe obligimi ynë është ta korrigjojmë këtë dështim sa më shpejt që të mundemi. Ky është fokusi im tani” është shprehur zyrtari më i lartë i ndihmës humanitare i Kombeve të Bashkuara, Martin Griffiths. Familjet e viktimave në qytetin Jandaris, provinca Idlib, ngritën flamurin e OKB-së me kokë poshtë mbi ndërtesat e shkatërruara nga tërmetet për të dënuar mungesën e ndihmës nga organizata.
