Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më shumë 133 mijë apartamente të ndërtuara nga Drejtoria qeveritare turke për ndërtimin e banesave publike në 10 provincat e goditura nga tërmeti katastrofal, i mbijetuan tërmetit pa asnjë dëm Sipas informacioneve, në Ministrinë e Urbanizmit, Mjedisit dhe Ndryshimeve Klimatike, kjo Ndërmarrje e madhe qeveritare tashmë 20 vite realizon projektet për banesa sociale për qytetarët me të ardhura të ulëta. Këto janë apartamente mjaftë cilësore, ndërkaq që nga viti 2002 Drejtoria qeveritare ka ndërtuar 1 milion e 18 mijë objekte të tilla. Sa i përket 10 qyteteve të goditura nga tëmeti shkatërrues, Drejtoria deri më sot ka ndërtuar 5 mijë e 545 objekte në Kahramanmaraş, 8 mijë në Hatay, 3 mijë 323 në Osmanije, 20 mijë 605 në Maltaja, 17 mijë e 261 në Sanliurfa, 20 mijë 912 në Diyarbakir, 27 mijë e 947 shtëpi në Gaziantep, 7 mijë 65 në Adijaman, 21 mijë 154 në Adana dhe 1 mijë e 929 në Kilis, gjithsej 133 mijë 759 apartamente. Te të gjitha këto objekte gjatë dy tërmeteve me intensitet 7.7 dhe 7.6 ballë, epiqendra e të cilit ishte në Kahramanmarash, nuk janë evidentuar kurrfarë dëmtimesh.
