Kryetari Kastrati priti komandantin e forcave italiane te KFOR-it kolonel Mario Bozzi

15/02/2023 Institucionet

Kryetari i Komunës së Malishevës, Ekrem Kastrati, e ka pritur sot në takim komandantin e ri të KFOR-it italian, kolonel Mario Bozzi. Ky takim kishte karakter njohje, ndërsa u bisedua edhe për vazhdimin e bashkëpunimit të mirë në mes të KFOR-it dhe Komunës së Malishevës. “Pata kënaqësinë të pres në takim komandantin e ri të KFOR-it italian, kolonelin Mario Bozzi, të cilin e urova për detyrën e re në drejtimin e KFOR-it italian dhe u zotuam për vazhdimin e bashkëpunimit në mes të komunës sonë dhe KFOR-it italian, bashkëpunim i cili ka qenë i shkëlqyer dhe që do të vazhdoj edhe në të ardhmen”, ka thënë kryetari Kastrati. “E vlerësojmë misionin dhe punën e KFOR-it, në ruajtjen e sigurisë në vendin tonë, që nga përfundimi i luftës, si dhe për bashkëpunimin e shkëlqyer dhe realizimin e projekteve të shumta, sidomos të KFOR-it italian, që kanë realizuar në territorin e Komunës së Malishevës”, është shprehur kryetari Kastrati, gjatë takimit me komandantin e KFOR-it italian, kolonelin Mario Bozzi.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara