Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pasi kryetari i Kuvendit të Kosovës, Glauk Konjufca nuk kishte angazhuar avokat, ka dështuar të mbahet seanca e sotme e gjykimit kundër tij për hedhje të gazit lotsjellës dhe pengim të personit zyrtar në Kuvendin e Kosovës, në vitin 2016. I akuzuari për vepër penale, aktualisht kryetar i Kuvendit të Kosovës Konjufca ka thënë se nuk dëshiron të angazhoj mbrojtës pas pyetjes së gjykatëses, Edita Çanta se a kishte angazhuar mbrojtës meqë me Kodin e ri të Procedurës Penale mbrojtja është e detyrueshme. Prokuroria Themelore në Prishtinë, më 3 shkurt të vitit 2017, ka ngritur aktakuzë kundër Glauk Konjufcës, të cilin e ngarkon me dy vepra penale. I pandehuri, Konjufca po akuzohet se më 10 gusht 2016, gjatë mbajtjes së mbledhjes në sallën e Kuvendit të Republikës së Kosovës, ku merrnin pjesë kryetari i Kuvendit, Kadri Veseli, deputetët Adem Grabovci, Ismet Beqiri, Sabri Hamiti, Pal Lekaj, Valdete Bajrami dhe Sllobodan Petroviq, në cilësinë e deputetit, në kundërshtim me ligjin ka përdorur armë, kundër deputetëve duke hedhur gazin lotsjellës në sallë. Si pasojë e sulmit, qëndrimi i pjesëmarrësve është pamundësuar nga tymi që ka shkaktuar gazi lotsjellës dhe të njëjtit janë detyruar të braktisin sallën. Me këtë, Konjufca akuzohet se ka kryer veprën penale “Përdorimi i armës apo mjetit të rrezikshëm” nga neni 375, paragrafi 1 i Kodit Penal, vepër e cila dënohet me burg prej një deri në tetë vjet.
