Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në faqen zyrtare të Gjykatës Speciale, bëhet e ditur se në rastin kundër krerëve të UÇK-së: Hashim Thaçi, Kadri Veseli, Jakup Krasniqi dhe Rexhep Selimi, janë caktuar katër seanca për muajin prill. Më 3 prill, është caktuar edhe si datë e fillimit të gjykimit. Po ashtu, seanca janë caktuar edhe seancat për 4 dhe 5 prill, raporton “Betimi për Drejtësi”. Derisa, 11 prilli është caktuar si datë, ku pritet të fillohet me paraqitjen e provave të prokurorisë, me dëgjimin e dëshmitarëve. Të gjitha këto seanca pritet të fillojnë në orën 9:30, por se do të transmetohen me 45 minuta vonesë për publikun. Zyra e Prokurorit më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte. Aktakuza kundër Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor të vitit 2020. Ata janë duke u mbajtur në paraburgim, në Hagë, nga nëntori i vitit 2020.
