Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aleanca Veriatlantike i ka kërkuar Qeverisë kineze të shmangë shkeljen e ligjit ndërkombëtar. Sekretari i përgjithshëm i NATO-s, Jens Stoltenberg, tha se ka disa shenja që tregojnë se Kina mund të planifikojë të mbështesë Rusinë në luftë kundër Ukrainës. Fundjavën e kaluar, burimet amerikane kishin informacione që sugjeronin se Kina mund të fillonte të ofrojë armë për Rusinë. I pyetur nëse NATO ka ndonjë tregues se Kina mund të jetë e gatshme të ofrojë armë ose mbështetje tjetër për Rusinë në luftën ndaj Ukrainës, Stoltenberg theksoi: “Ne kemi parë disa shenja që ata mund të planifikojnë për këtë dhe natyrisht aleatët e NATO-s, Shtetet e Bashkuara, kanë qenë duke paralajmëruar kundër tij sepse kjo është diçka që nuk duhet të ndodhë. Kina nuk duhet të mbështesë luftën e paligjshme të Rusisë. Stoltenberg tha se çdo ndihmë kineze do të një shkelje të hapur të ligjit ndërkombëtar. Kina ka refuzuar të dënojë pushtimin e Ukrainës, por ka shmangur kapërcimin e çdo vije të kuqe që do të çonte në sanksione. Zyrtarët perëndimorë thonë se Kina shikon një pushtim të mundshëm të Tajvanit. (Sky News)
