Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i forcave paqeruajtëse të KFOR-it, në Kosovë, Angjelo Mikele Ristuçia, ka rikonfirmuar se misioni që ai e drejton nuk ka asnjë provë për praninë e grupit ushtarak, privat rus, Wagner në Kosovë. Mirëpo ai ka sqaruar sërish se Forcat e Sigurisë së Kosovës nuk mund të shkojnë në veri pa miratimin e tij. Ai po ashtu ka shpjeguar se FSK-ja nuk kanë bërë një kërkesë të tillë deri më tani. Komandanti Ristuçia ka theksuar se Forcat Speciale të policisë nuk kanë nevojë t’ marrin leje për leje për të qëndruar në veri, pasi kjo ka të bëjë me marrëveshjen e arritur në Bruksel. “Serbia ka nënshkruar dhe ka përcaktuar qartë Policinë e Kosovës si e vetmja kompetente për detyrat e zbatimit të ligjit dhe policisë. Pavarësisht nga llojet e policisë, si është organizuar policia, çfarëdo qofshin ato – njësitet ROSU, njësitë speciale, ato janë përgjegjëse për luftimin e krimit, grupeve të organizuara kriminale. Nuk ka kufizime për Policinë e Kosovës kur bëhet fjalë për kryerjen e detyrave të tilla në mbarë Kosovën”, tha komandanti i KFOR-it, Angjelo Mikele Ristuccia Ai e vlerëson situatën aktuale në Kosovë si të ndjeshme dhe të paqëndrueshme, por ende paqësore dhe dukshëm më të mirë se sa ishte në dhjetor.
