Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në 25 vjetorin e Betejës së Qirezit dhe Likoshanit, delegacioni i Komunës së Skenderajt, i udhëhequr nga kryetari Fadil Nura, nënkryetari Sami Lushtaku, bashkë me kryetarin e Partisë Demokratike të Kosovës, Memli Krasniqi, deputetë të Parlamentit të Kosovës, kryetarin e Komunës së Drenasit, Ramiz Lladrovci, ish-komandantë të UÇK-së, përfaqësues të shoqatave të dala nga lufta dhe qytetarë të tjerë, kanë bërë homazhe në Kompleksin e Dëshmorëve në Likoshan, në nderim të dëshmorëve dhe martirëve të Betejës së Qirezit dhe Likoshanit, gjaku i të cilëve u bë dritë në rrugëtimin e popullit shqiptar për liri dhe pavarësi. Pas homazheve, janë bërë vizita te familjarët e dëshmorëve dhe martirëve. Lavdi e përjetshme të gjithë të rënëve të Betejës së Qirezit dhe Likoshanit.
