leoni

Kryetari Kastrati priti në takim u.d. të sekretarit të MKRS-së Feim Hoxha

28/02/2023 Institucionet

Kryetari i Komunës së Malishevës, Ekrem Kastrati, ka pritur në takim punë, u.d. të sekretarit të përgjithshëm të Ministrisë për Kulturë, Rini dhe Sport, Feim Hoxha dhe drejtoreshën e Departamentit për Integrime Evropian dhe Koordinim të Politikave në MKRS, Brikena Molliqi-Gashi, me të cilët kanë biseduar për mundësit e bashkëpunimit në investime në fushën e kulturës, rinisë, sportit dhe trashëgimisë kulturore. Në këtë takim, ishin të pranishëm edhe drejtori i Drejtorisë për Kulturë, Rini dhe Sport, Fitim Shala dhe drejtori i Drejtorisë së Urbanizmit, Avdi Morina, të cilët edhe i kanë njoftuar zyrtarët e MKRS-së, për nevojat që ka Malisheva për investime dhe mbështetje nga ministria, në këto fusha. Kryetari Kastrati, e ka falënderuar u.d. të sekretarit të përgjithshëm të MKRS-së, Feim Hoxha për vizitën dhe për investimet e ministrisë që ka bërë deri më tani në Malishevë, si dhe për nevojat që ka Malisheva, ndërsa sekretari Hoxha, e ka njoftuar kryetarin Kastrati, për mundësitë e investimeve që ka ministria dhe gatishmërinë për të bashkëpunuar  me komunën. Drejtorët Shala e Morina, i kanë njoftuar zyrtarët e ministrisë, për nevojat më të shpejta që ka Komuna e Malishevës, për t’u mbështetur nga MKRS, si në fushën e trashëgimisë kulturore, pastaj në atë sportive, përkatësisht përfundimin e tribunave në stadiumin e qytetit, si dhe në fushat tjera të kulturës, rinisë, sportit dhe trashëgimisë kulturore.

Kontrolloni gjithashtu

Ejup Maqedonci: FSK është dëshmia e tolerancës dhe e bashkëveprimit institucional

Në hapësirat e Ministrisë së Mbrojtjes u mbajt tryeza e rrumbullakët me pjesëtarët e FSK-së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara